Fréttatilkynning

Óbyggðanefnd, sem er sjálfstæður úrskurðaraðili á stjórnsýslustigi, mun í dag, miðvikudaginn 31. maí, kveða upp úrskurði í fimm svokölluðum þjóðlendumálum sem fjalla um landsvæði á Suðvesturlandi.

Nánar tiltekið er um að ræða mál er varða Stór-Reykjavík; Ölfus; Grafning; Grindavík og Vatnsleysu; Kjalarnes og Kjós.

Ágreiningsaðilar í hverju máli fyrir sig eru annars vegar fjármálaráðherra fyrir hönd íslenska ríkisins, sem gert hefur kröfur um þjóðlendur á tilteknum svæðum, og hins vegar einstakir jarðeigendur og sveitarfélög, sem gert hafa kröfur um eignarland á sömu svæðum.

Uppkvaðningin mun fara fram kl.14:00, í Þjóðmenningarhúsinu, að Hverfisgötu 15, 101 Reykjavík.

Úrskurðir verða birtir á heimasíðu óbyggðanefndar að lokinni uppkvaðningu.